Наталия Сухинина. Не продавайте жемчужное ожерелье
Акафист Богородице Помощнице в родах
Читает диакон Сергий Кирко
Божией Матери пред иконою Ея «В родах помощница».
7.Молитва Божией Матери, пред иконою «В родах помощница».
Акафист Божией Матери в честь иконы Помощница в родах
Акафист Божией Матери в честь иконы Помощница в родах
Акафист Божией Матери в честь иконы Помощница в родах
Акафист Божией Матери в честь иконы Помощница в родах
Хор храма Георгия Победоносца, г. Сургут
Молебен с акафистом иконе Пресвятой Богородицы Помощницы в родах
Акафист Божией Матери в честь иконы Помощница в родах
Акафист Божией Матери в честь иконы Помощница в родах
Акафист Божией Матери в честь иконы Помощница в родах
Акафист Божией Матери в честь иконы Помощница в родах
Акафист Божией Матери в честь иконы Помощница в родах
Прав. Студия «Феофания» (диакон Сергий Керко)
М-ва Божией Матери «В родах помощница»
Акафист Пресвятой Богородице пред иконой Ея «В родах помощница»
акафист перед иконой Божьей Матери Помощница в родах
Молитва Божией Матери в честь иконы Помощница в родах
Акафист Пресвятой Богородице_В родах Помощнице
Молитва к Пресвятой Богородице пред иконою Ея «В родах помощница»
Акафист Божией Матери в честь иконы Помощница в родах
Величание Божией Матери в честь иконы Помощница в родах
Акафист Пресвятой Богородице пред иконой Помощница в родах
архиепископ Феодосий (Снигирёв)
Слово в день почитания иконы Божией Матери «Помощница в родах» (3 октября 2017 г.)
епископ Феодосий (Снигирёв)
Проповедь в день почитания иконы Божией Матери «Помощница в родах» (3 октября 2014 г.)
источник
Для того чтобы скачать Акафист Помощница в родах нужно навести мышкой на название акафиста и нажать правую кнопку. Из выпадающего меню выбрать Cохранить ссылку как … или Скачать объект как.. и нажать скачать
Избранней от всех родов Помощнице рода христианскаго, к богоугодней жизни раждающей, благодарственная пения приносим Ти, Богородице, о даровании чудныя иконы Твоея. Ты же, яко скорая и всемилостивая верных Заступнице, не остави нас в скорбех, да зовем Ти:
Радуйся, Помощнице в родах, чад Своих к Царю славы приводящая.
Икос 1
Ангел предстатель послан бысть рещи Богородице: Радуйся,— егда Бог Слово воплощашеся во утробе Ея; и мы, грешнии, дивящеся святому Рождеству, пред иконою чудною Твоею с верою и надеждою вопием Ти:
Радуйся, радость Христова Рождества познавшая; радуйся, Сына Света нам даровавшая.
Радуйся, скорби гонений с Плодом во чреве претерпевшая; радуйся, в подвизех материнских на земли преуспевшая.
Радуйся, скорби родов в радость претворяющая; радуйся, Твоею любовию нас для неба созидающая.
Радуйся, подвигом жития Твоего нас просветившая; радуйся, чудными родами весь мир удивившая.
Радуйся, Помощнице в родах, чад своих к Царю славы приводящая.
Кондак 2
Видящи, Всенепорочная, во славе Сына Твоего пред нами пребывающая, скорби верных рабов Твоих, яже гневнаго ради Божия вразумления посылаемыя, благоволила еси явити икону Твою, чудесы ю прославляющи, да, покрываемии Твоею любовию, с надеждою вопием Богу: Аллилуиа.
Икос 2
Жизнодателя рождшая, Пресвятая Богородице, благодатное попечение женам в родах утвердила еси, разуму нашему просвещение свыше исходатайствовала еси, да познаем, что есть воля Божия благая, угодная и совершенная. Мы же, дивящеся свыше благодатному укреплению со слезами радости вопием Ти:
Радуйся, от грехов нас отвращающая; радуйся, трудную долю жен облегчающая.
Радуйся, сердца наша любовию Твоею умягчающая; радуйся, молитвами Твоими Сына нам в помощь призывающая.
Радуйся, Рождество Сына Твоего никогда не забывающая; радуйся, в родах жен христианских не оставляющая.
Радуйся, в духовном рождении всех благословляющая; радуйся, в свет Сына Твоего неизменно призывающая.
Радуйся, Помощнице в родах, чад своих к Царю славы приводящая.
Кондак 3
Сила Вышняго благодатию Богоматере землю Русскую освящает, чад духовных Своих измлада любовию умудряющи и воинов Христовых к чистоте Православия непрестанно призывающи; мы же с верою прибегаем ко Господу, пред иконою Твоею, Богородице, вопием Ему: Аллилуиа.
Икос 3
Имамы Тя, Заступнице усердная рода христианскаго, яко Матерь, чад Своих покаянию и смирению научающую, токи чудес нам во укрепление от пречестныя иконы Своея милостивно источающую, благодатию от Бога во спасение всех нас осеняещую. Сего ради зовем Ти сице:
Радуйся, явлением иконы Твоея мглу лютых обстояний отгоняющая; радуйся, во святей Руси верных чад православною верою окрыляющая.
Радуйся, боли при родах благодатию Святаго Духа ослабляющая; радуйся, любовь Твою всегда нам источающая.
Радуйся, в скорбех многим женам прозрение; радуйся, дарующая любящим Сына Твоего молитвенное попечение.
Радуйся, сердца наша радостию родов умягчающая; радуйся, в святость и чистоту детства нас возвращающая.
Радуйся, Помощнице в родах, чад Своих к Царю славы приводящая.
Кондак 4
Бурю лютых смятений во стране нашей воздвигнутых врагами Церкве, Пресвятая Дево, укрощаеши, чад Твоих заблуждших в покаянии умудряеши, души жен воинов Христовых в родах надеждою светлою укрепляеши, научающи тем люди Твоя благодарственно пети Богу: Аллилуиа.
Икос 4
Слышавше православнии людие сокровенную тайну, яко предстательством Твоим, Богородице, суд о Отечестве нашем преложен на милость, и дивящеся свыше благодатному Твоему попечению, благоговейно вопием Ти сице:
Радуйся, наша семьи от уныния избавляющая; радуйся, благодатным Твоим покровом младенцы осеняющая.
Радуйся, скорби ради покрытия грехов нам попускающая; радуйся, чад наших в святости охраняющая.
Радуйся, юность нашу светом истины просвещающая; радуйся, супружества венчанная пред Богом с любовию хранящая.
Радуйся, к Таинству венчания супруги призывающая; радуйся, от блуда смертнаго всех верных предостерегающая.
Радуйся, Помощнице в родах, чад Своих к Царю славы приводящая.
Кондак 5
Боготечная звезда явися нам, Богородице, честная Твоя икона, всех скорбящих в родах жен лучами чудес Твоих осиявающая, блуждающих в духовнем мраце к свету Сына Твоего призывающая, в греховных страстех утопающих в благодатный мир милостию Бога Отца облекающая и на путь спасения утешением Святаго Духа наставляющая. Мы же, верою обретше радости сия, вопием к Богу: Аллилуиа.
Икос 5
Слышавше православнии людие, яко святую икону Твою, Богородице, Господь многими чудесы прославляет: скорби жен христианских в родах облегчает, сердца отец и матерей во славу Божию радостию наполняет,— яко освящение, яко щит и вспоможение почитают ю. Сего ради вопием Ти сице:
Радуйся, жилище и доме Христа Бога нашего; радуйся, спасение русскаго народа, в отчуждение от Бога духом впавшаго.
Радуйся, христиан непобедимая Хранительнице; радуйся, Искупителя грехов наших рождшая.
Радуйся, благодатней надеждой сердца жен в родах наполняющая; радуйся, к духовному рождению в Таинстве Крещения неустанно призывающая.
Радуйся, добродетелей великое стяжание; радуйся, Божие к немощным благоволение.
Радуйся, Помощнице в родах, чад Своих к Царю славы приводящая.
Кондак 6
Пред пречистым Твоим образом проповедаем, Госпоже Богородице, великия Твоя милости, яко семьи христиан ограждаеши, церкви домашния благодатию Святаго Духа покрываеши, жен со чады защищаеши, и, ведуще Тя воистину Помощницу непобедиму, приносим Ти славословия сия и радостно вопием Богу: Аллилуиа.
Икос 6
Воссиявши просвещение истинное, Пречистая Богородице, явися чудная икона Твоя, родителем на утешение, рассеянным семьям в воссоединение, востающим на Господа неверием в предупреждение, всем нам во укрепление и вечное блаженство во Христе, Господом дарованное искуплением. Мы же, дивящеся о нас попечению, благодарно вопием Ти:
Радуйся, от внезапныя смерти нас избавляющая; радуйся, мрачных духов святостию Твоею отгоняющая.
Радуйся, покровом Твоим нас осеняющая; радуйся, истинно нас молитися научающая.
Радуйся, к долготерпению в скорбех и недузех нас приклоняющая; радуйся, богоноснеи руце Твои за нас, грешных, к Сыну в молитве непрестанно возносящая.
Радуйся, николиже верных Сыну Твоему заступлением не оставляющая; радуйся, немощных благодатным Покровом Твоим покрывающая.
Радуйся, Помощнице в родах, чад Своих к Царю славы приводящая.
Кондак 7
Хотяй всем человеком спастися и во истине просветитися, Премилосердый Господь, усынови нас Матери Своей и дарова Ю женам христианским в родах в поможение, чадом нашим в благодатное небесное окормление. Мы же, обряще от Бога радости сия, со слезами вопием Вседержителю: Аллилуиа.
Икос 7
Нову показа милость всех Творец и Владыка наш Господь, егда положи во гневе Своем за грех наказати род человеческий и рече жене Адама: В болезнех родиши чада твоя,— яко сотвори сие для многих человеков ко вразумлению спасения ради душ их. Сего ради и мы, Владычице, припадающе к пречистому образу Твоему, усердно молим Тя: милосердия двери отверзи нам, вопиющим Ти сице:
Радуйся, неприступнаго Божества селение; радуйся, Ангельское и наше непрестанное удивление.
Радуйся, Божия милости и любве исполнение; радуйся, Подательнице спасительнаго в родах вспоможения.
Радуйся, правды святыя Попечительнице; радуйся, любве и доброты непоколебимая Хранительнице.
Радуйся, в гордости закосневших заступления Твоего лишающая; радуйся, от крещеных младенцев радостный взор Твой не отвращающая.
Радуйся, Помощнице в родах, чад Своих к Царю славы приводящая.
Кондак 8
Странно маловерующим слышати, како образ Твой святый токи благодати источает, грешным, в покаянии к Тебе пришедшим, радость дарит, исцелением скорбящих и болящих жен в родах Бога прославляет, мы же с верою поклоняемся Тебе: образ бо честию к первообразу восходит, и, всемерно прославляюще Тя, с радостию поем Богу: Аллилуиа.
Икос 8
Вся еси горе и земных не оставлявши, Пресвятая Богородице, узы страстей благодатным попечением ослабляеши, в покаянии притекающим к Тебе предстательством пред Богом очищаеши, искуплением Христовым сердца наша преображаеши. Сего ради, величающе, воспеваем Ти тако:
Радуйся, чрез покаяние к Богу, приводящая; радуйся, покаянием нашим двери райския отверзающая.
Радуйся, родительским покаянием от чад болезни отвращающая; радуйся, покаянием мир духовный в семьях верных утверждающая.
Радуйся, покаянием бесовския разлады в семьях угашающая; радуйся, покаянием церковным со Христом нас вновь соединяющая.
Радуйся, в покаянии приходящих преображающая; радуйся, чрез покаяние заступлением Твоим пред Сыном спасающая.
Радуйся, Помощнице в родах, чад Своих к Царю славы приводящая.
Кондак 9
Всякаго естества ангельскаго превысшая явилася еси, Пресвятая Дево, Бога бо зачала еси плотию, Господа во утробе Твоей вместила еси, темже яко Святейшую и Славнейшую у Престола Царя царей величающе Тя, вопием о Тебе Богу: Аллилуиа.
Икос 9
Витийства боговещанных проречений ныне зрим о Тебе сбывшаяся, Богородице, яко воистину Бога плотию родила еси нам. И будущаго Царствия Божия не лиши нас, Покровом Твоим нас от козней мира сего оберегающи. Мы же обетованное блаженство во Христе в молитвах призываем и в покаянии вопием Ти:
Радуйся, твердое Православия укрепление; радуйся, душ наших скорое спасение.
Радуйся, отчужденных от Бога к вере возрождение; радуйся, духовное наше прозрение.
Радуйся, в чистоте Православия нас оберегающая; радуйся, от греховнаго падения нас изводящая.
Радуйся, вопиющих к Тебе скорое услышание; радуйся, чадородие благословляющая.
Радуйся, Помощнице в родах, чад Своих к Царю славы приводящая.
Кондак 10
Спасти хотящи многия жены в родах от обдержащих их страстей и напастей, чудную икону Твою, Богомати, даровала еси, еяже ради козни диавола утихают, смертоносныя болезни исчезают, боли в родах ослабевают, да вси, видяще являемую Тобою милость, вопиют со умилением Богу: Аллилуиа.
Икос 10
Стена еси, Богородице Дево, Святей Руси и народу ея ограждение, врагов Православия обличение, женам-матерем сугубое утешение, малым чадом благодатное попечение. Темже, благодаряще Тя, вопием Богу:
Радуйся, прославляющих Тя от бед избавляющая; радуйся, позабывших Тя посрамляющая.
Радуйся, православных матерей славо и попечение; радуйся, сохраняющих целомудрие верное ограждение.
Радуйся, спасительный елею кающихся; радуйся, Царице Небесная всех во Христе раждающихся.
Радуйся, радости наша умножающая; радуйся, младенцев и матерей сугубою любовию Твоей защищающая.
Радуйся, Помощнице в родах, чад Своих к Царю славы приводящая.
Кондак 11
Пение хвалебное и благодарственное приносим Ти, Пресвятая Владычице: под Покровом Твоим в Православней Церкви по милости Божией раждаемся, в благодатном окормлении Твоем неизменно умудряемся, заступлением Твоим во Христе искони спасаемся, и возложивше на Тя упование, радостно вопием Богу: Аллилуиа.
Икос 11
Светоприемная свеща истиннаго Света сущим нам на земли явльшися, души просвещаеши, чтущих Тя в вере во спасение наставляеши, младенцев во утробах матерей охраняеши, да поем Ти сице:
Радуйся, в рождении чад скорби ослабляющая; радуйся, грехи наша Твоими молитвами к Сыну отпускающая.
Радуйся, воином Христовым жен смиренных посылающая; радуйся, непорочность отроковиц охраняющая.
Радуйся, духовно всех невидимо окормяющая; радуйся, Твоею любовию в бедах нас покрывающая.
Радуйся, от хульных мыслей предостерегающая; радуйся, от умерщвления неродившихся младенцев всех отвращающая.
Радуйся, Помощнице в родах, чад Своих к Царю славы приводящая.
Кондак 12
Благодать небесныя славы Твоея дати восхотевши почитающим Тя с любовию, Владычице, по вере даруеши чрез икону Твою Богообщение, знамения и чудеса исцеления, от духовных скорбей избавление. Мы же, ведевше сокровища сия, велегласно вопием к Богу: Аллилуиа.
Икос 12
Поюще Твоя чудеса, бывшая в древняя и настоящая времена, хвалим Тя, Богородице, верным врата в жизнь вечную молитвами Твоими отверзающая, благодатию Святаго Духа в земной жизни защищающая, ко Господу людей избранных Твоею любовию привлекающая; мы же, упование по Бозе возлагающе на Тя, с покаянием вопием сице:
Радуйся, отчаянных спасение; радуйся, погибающих оживление.
Радуйся, от бед избавление; радуйся, духовныя радости утверждение.
Радуйся, обидимых Утешительнице; радуйся, гонимых Покровительнице.
Радуйся, в малом верных укрепляющая; радуйся, возлюбивших Господа окормляющая.
Радуйся, Помощнице в родах, чад Своих к Царю славы приводящая.
Кондак 13
О Всепетая Мати, Помощнице в родах, рождшая всех святых Святейшее Слово, надеждо духовнаго нашего пробуждения и во всем благаго поспешения, в родах телесных, Благодатная, женам православным утешение, Царствия Небеснаго наследники всех сотвори, верно вопиющих Богу: Аллилуиа.
Этот кондак читается трижды, затем 1-й икос «Ангел предстатель …» и 1-й кондак «Избранней от всех родов …».
Молитва первая
Приими, Госпоже Богородительнице, слезная моления рабов Твоих, к Тебе притекающих. Зрим Тя на святей иконе во чреве носящую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, Всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави; даруй им здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою.
О Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли и не презри слез и воздыханий рабов Твоих. Услыши нас в день скорби, пред иконою Твоею припадающих, и в день радости и избавления приими благодарная хваления сердец наших. Вознеси мольбы наша ко Престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим имя Его, яко да и мы, и чада наша, прославим Тя, Милосердную Заступницу и верную Надежду рода нашего, во веки веков. Аминь.
Молитва вторая
О Пресвятая Госпоже Владычице Богородице, в земной жизни нас не оставляющая! К кому молитвы вознесу, к кому слезы и воздыхания принесу, аще не к Тебе, всех верных утешение! Со страхом, верою, любовию, Мати Живота, молю: да вразумит Господь люди православныя во спасение, да даст раждати нам чад Тебе и Сыну Твоему во благоугождение, да соблюдет нас в чистоте смирения, в надежде о Христе спасения, и дарует нам всем, в покровех благодати Твоея, земное утешение. Храни нас под сению милости Твоея, Пречистая, молящимся о родах помози, наветов злых свободи, тяжких бед, напастей и смертей отврати. Даждь благодатное прозрение, дух сокрушения о гресех, даждь зрети всю высоту и чистоту дарованнаго нам Христова учения; храни нас от погибельнаго отчуждения, да вси, благодарне воспевающе величия Твоя, сподобимся небеснаго успокоения и тамо с возлюбленными Твоими, со всеми святыми прославим в Троице Единаго Бога: Отца и Сына и Святаго Духа, ныне и присно, и во веки веков. Аминь.
Тропарь, глас 4
Мати Бога нашего, во утробе заченши Христа Жизнодавца, помощи в рождении Того не потребовала еси, темже легце разрешитися рабом Твоим благослови и помози, и младенцев их во время благопотребное родитися имущих, под покров Твой, яко Матерь, молим, приими: Ты бо еси в родах Помощница, Заступница рабом Твоим.
Кондак, глас 2
Слез Евиных разрешение, пророческих писаний исполнение, от Духа Святаго Богомладенца заченшая, и во яслех Вифлеемских Того смиренно родившая, к Тебе прибегаем яко Хранительнице жен и младенцев, к Тебе воздыхаем и Тя величаем: радуйся, Благоутробная Мати, в родах Помощница.
источник
В православной церкви существует много образов с изображением Пресвятой Девы Марии, каждый из них наделен силой и несет определенное значение. Однако для женщины христианской веры, которая носит под сердцем ребенка, особенную ценность имеет икона Богородицы «Помощница в родах».
Иконописцы, изображая Деву Марию в ожидании рождения Младенца, придерживаются единой, легко узнаваемой композиции. Стоящая в полный рост или по пояс Пресвятая Дева Мария изображена с непокрытой омофором головой, длинные вьющиеся волосы ниспадают на плечи. Руки Богородицы подняты и сложены на груди, будто бы обнимая Младенца, который еще находится в утробе Божьей Матери.
Предвечный Младенец изображен в полный рост со сложенными на груди руками. В других иконографических изводах Иисус Христос изображен в царских одеяниях, левая Его рука лежит на колене, а правая – благословляет. Большинство иконописцев изображают Предвечного Младенца как бы парящим на уровне груди Божьей Матери – данный композиционный элемент иконы имеет определенное сходство с образом Богородицы «Знамение».
Икона Богородицы «Помощница в родах» была обнаружена в 1993 году у одной пожилой христианки, проживающей в г. Серпухов. Доска с ликом Пресвятой Девы и Младенца была в плачевном состоянии: под слоем пыли и грязи практически стерлось изображение. Иконописцам удалось полностью восстановить икону.
Найденной святыне отвели почетное место в Никольском соборе. О настоящем местонахождении образа достоверно неизвестно. Существует версия, что подлинник иконы «Помощница в родах» все еще пребывает в Никольском соборе.
В храмах православной церкви представлено много копий и современных иконографических изводов Божьей Матери «Помощница в родах». К особо почитаемым и обладающим невероятной чудодейственной силой относят иконы, расположенные на территории:
- Измайловского собора в Санкт-Петербурге;
- Всехсвятского храма в Москве;
- Спасо-Преображенского храма в Москве;
- Рождественского храма в Екатеринбурге.
Сегодня женщина, носящая под сердцем ребенка, имеет возможность посещать специализированные курсы, где рассказывают поэтапно процесс протекания родов, учат правильной технике дыхания, помогают справиться со страхом предстоящих родов. Однако многие православные христианки держат дома икону Божьей Матери «Помощница в родах». Ежедневная молитва Пресвятой Деве Марии помогает успокоиться, совладать со своими страхами и переживания, поверить в благополучный исход рождения ребенка.
Уверовавшие в силу и благодать Пречистой Девы, православные христиане рекомендуют начинать читать акафист перед иконой «Помощница в родах» за месяц до назначенной даты родоразрешения. В случае каких-либо осложнений в период беременности акафист читают ежедневно, пока не минует угроза.
Для придания молитве большей силы можно заказать молебен в храме и одновременно проводить ритуал хвалебно-благодарственного песнопения в домашних условиях, отстранившись душой и телом от мирской суеты, бренных мыслей, забот и тревог. Во время молитвы мысли должны быть чистыми и светлыми, поэтому лучше проводить ритуал хвалебного песнопения в утренние часы.
Обращаясь с искренней верой к Деве Марии, каждая роженица может рассчитывать на Ее помощь и благодать.
В этом видео вы можете прослушать аудио запись акафиста перед иконой Божьей Матери «Помощница в родах».